ماہرہ خان میری بیٹی جیسی ہے عشرت فاطمہ کی ماہرہ خان کیلئے نیک تمنائیں

مداح عشرت فاطمہ کی نہ صرف عزت کرتے ہیں بلکہ ان سے بے حد محبت بھی کرتے ہیں

ویب ڈیسک April 03, 2019

عشرت فاطمہ کو 23 مارچ کو صدارتی ایوارڈ برائے حسن کارکردگی سے نوازا گیا ہے، فوٹوفائل

HYDERABAD: نامورپاکستانی نیوزکاسٹرعشرت فاطمہ نے اداکارہ ماہرہ خان کے لیے نیک تمناؤں کا اظہار کیا ہے۔

خبریں پڑھنے کے منفرد انداز سے لوگوں کے دل موہ لینے والی پاکستانی سرکاری ٹی وی چینل کی نامور اورلیجنڈ نیوز کاسٹر عشرت فاطمہ کو 23 مارچ کو صدارتی ایوارڈ برائے حسن کارکردگی سے نوازا گیا۔ عشرت فاطمہ کے خبر یں پڑھنے کے منفرد انداز کے باعث لوگ آج بھی نہ صرف ان کی عزت کرتے ہیں بلکہ ان سے بے حد محبت بھی کرتے ہیں۔ عشرت فاطمہ کی مداحوں میں اداکارہ ماہرہ خان بھی شامل ہیں۔

اس خبرکوبھی پڑھیں: نمایاں کارکردگی کا مظاہرہ کرنے والی شخصیات کیلئے سول و ملٹری اعزاز

حال ہی میں سول اعزازسے نوازے جانے کے بعد عشرت فاطمہ کو ایک نجی ٹی وی چینل کے شو میں بطور مہمان مدعو کیا گیا جہاں میزبان کے کہنے پر انہوں نے اپنے انداز میں خبریں پڑھ کر ماضی کی یاد تازہ کردی۔

عشرت فاطمہ کے خبریں پڑھنے کی ویڈیو سوشل میڈیا پر وائرل ہوگئی اور اداکارہ ماہرہ خان نے یہ ویڈیو اپنے سوشل میڈیا اکاؤنٹ پر شیئر کراتے ہوئے عشرت فاطمہ کو لیجنڈ قراردیا اور کہا بچپن کی یاد تازہ ہوگئی۔

Legendary! Sounds like an entire nations childhood at one point 🥰 thank you for this @Shiffa_ZY https://t.co/T0gUlktoUG
— Mahira Khan (@TheMahiraKhan) March 30, 2019

عشرت فاطمہ نے ماہرہ خان کی محبت کے جواب میں انہیں اپنی سب سے پیاری بیٹی قرار دیا اور ان کے لیے نیک تمناؤں کا اظہار کیا۔ جس کے جواب میں ماہرہ نے کہا کہ آپ کی دعاؤں نے میرا دن بنا دیا ہے۔