58 ویں سالگرہ پر سب نے گیت گائے عالمگیر

پاکستان کے معروف گلوکارعالمگیر 58 برس کے ہوگئے۔ انھوں نے امریکہ میں اپنی فیملی کے ساتھ سالگرہ کا کیک کاٹا۔

اس موقع پران کے بچوں اورقریبی دوستوں نے انہیں مبارکباد دی اوران کی صحتیابی کے لیے دعائیں بھی کیں۔ امریکہ سے فون پر گفتگو کرتے ہوئے عالمگیرنے '' ایکسپریس '' کوبتایا کہ میں گزشتہ تین برس سے بیماری کی حالت میں سالگرہ منا رہا ہوں۔ مجھے ڈائیلاسزکے لیے اسپتال جانا پڑتا ہے لیکن پھر بھی یہ خوشی بھرے لمحات مجھے تمام تکلیفوں سے آزاد کردیتے ہیں۔ ہمیشہ کی طرح اس باربھی سالگرہ منائی اورسب لوگوں نے گیت گاکرمجھے ٹریبیوٹ بھی پیش کیا۔




انھوں نے کہا کہ مجھے میوزک سے محبت ہے اوراس میں کبھی کمی نہیں آسکتی۔ میں بیمار ضرور ہوں لیکن یہاں بسنے والی کمیونٹی کی دعوت پرمیں یکم ستمبرکو نیویارک میں پاکستانی اورہندوستانی کمیونٹی کے سامنے پرفارم کرونگا۔ اس موقع پر میری کوشش ہوگی کہ میں یہ ظاہرنہ کروں کہ میں بیمارہوں۔ میں لوگوں کو انٹرٹینمنٹ کرتا رہا ہوں اور جب تک زندگی ہے تب تک یہ سلسلہ جاری رہے گا۔ انھوں نے مزید بتایاکہ وہ اکتوبر میں پاکستان آئیں گے اور''ایکسپریس مینجمنٹ'' کے تعاون سے ملتان میں ہونیوالے ایک پروگرام میں پرفارم بھی کرینگے۔ اس دوران جہاں وہ اپنے مقبول گیت سنائیں گے وہیں وہ اپنے چاہنے والوں سے ملاقات بھی کرینگے۔