دیپکا آؤٹ پرینیتی فلم ’’کل دل‘‘ میں رنویر کی ہیروئن بنیں گی

یہ فلم آئندہ برس اگست کے دوران سینماگھروں کی زینت بنائی جائے گی۔ فوٹو: فائل

---

بالی ووڈ اداکارہ پرینیتی چوپڑا ہدایت کار شاد علی کی نئی فلم ''کل دل'' میں رنویر سنگھ کی ہیروئن بنیں گی ۔

قبل ازیں فلمساز کی خواہش پر رنویر سنگھ کے مدمقابل اداکارہ دیپکا پڈوکون کو کاسٹ کرنے کا فیصلہ کیا گیا تھاجو پرینیتی چوپڑا کی پرفارمنس دیکھ کر تبدیل کردیا گیا اس فلم کے لیے دیپکا سے ابھی معاملات ہی طے ہورہے تھے تاہم حتمی طور پر اس فلم کے لیے لیڈنگ لیڈی رول کے لیے اداکارہ پرینیتی چوپڑا کو منتخب کرلیا گیا جس کا باقاعدہ اعلان بھی کردیا گیا ۔فلم کی کاسٹ مکمل کرنے پر شیڈول شوٹنگ کو حتمی شکل دیدی گئی ہے ۔یہ فلم آئندہ برس اگست کے دوران سینماگھروں کی زینت بنائی جائے گی۔فلمساز ادیتیہ چوپڑا نے یش راج فلمز کے بینر تلے یہ فلم 2003-4کے دوران ہالی ووڈ کی فلم سیریز ''کل بل ''سے متاثر ہوکر شروع کی گئی ہے ۔ہدایت کار شاد علی کی 2007کے دوران فلم ''جھوم برابر جھوم''کے بعد یہ چوتھی فلم ہوگی ۔ہدایت کار شاد علی کوئی 6سال کے وقفے کے بعد فلم ''کل بل ''بنارہے ہیں ،جس میں اداکارہ پرینیتی چوپڑا کو لیڈنگ لیڈی رول میں کاسٹ کیا گیا ہے ۔

اس فلم میں اداکار وگلوکار علی ظفرکو بھی اہم کردار دیا گیا ہے۔علی ظفر کا کہنا ہے کہ فلم ''کل بل ''کے لیے پیشکش ہوئی اس دوران ایک اور فلم کی شوٹنگ میں مصروف رہا اور اب اس فلم کے لیے اپنے کردار کو دیکھ کر حامی بھر لی ہے ۔فلم میں لیڈنگ لیڈی رول کے لیے اداکارہ پرینیتی چوپڑا کا انتخاب کیا گیا ہے ۔ادیتیہ چوپڑا کی ایکشن فلم میں رنویر سنگھ کے علاوہ اداکار گووندا کو بھی لیا گیا ہے ۔علی ظفر کو معاون اداکار کے طور پر منتخب کیا گیا ہے ۔گووندا فلم میں روٹین سے ہٹ کر مخالفانہ کردار نبھائیں گے ۔فلم کی ٹیم کو اسکرپٹ کی تقسیم کامرحلہ مکمل کرنے کے بعد اس کے میوزک پر کام شروع کیا گیا ہے ۔فلم کا میوزک شنکر احسان لوئے نے تیار کیا ہے ۔ ہدایت کار شاد علی نے کہا ہے کہ فلم ''کل دل ''میں لیڈنگ لیڈی کا کردار نبھانے کے لیے پرنیتی چوپڑا کو منتخب کیا گیا ہے ۔انھوں نے کہا کہ فلم کی کہانی کے لحاظ سے پرینیتی چوپڑا ہی سب سے موزوں اور مناسب اداکارہ ہیں اور وہ فلم میں اپنا کردار خوبی سے نبھائیں گی ۔



انھوں نے کہا کہ پرینیتی چوپڑا نے اس فلم کے لیے تاریخیں بھی دے دی ہیں ۔ان کے کام سے مطمئن ہوں اور فلم کو مقررہ مدت کے دوران مکمل کرلیا جائے گا ۔شادعلی کا کہنا ہے کہ رنویر سنگھ اور علی ظفر کو بھی بہترین پرفارمنس کی بنیاد پر ہی لیا گیا ہے ،گووندا اس فلم میں اپنا تاریخی کردار نبھانے جارہے ہیں واضح رہے کہ اداکار گووندا اس فلم میں منفی کردار نبھارہے ہیں ۔ادھر بالی وڈ ماڈل و اداکارہ پری نیتی چوپڑا نے کہا ہے فلموں میں کام کرتی رہوں گی ،ہر طرح کا کردار نبھانے کی کوشش کررہی ہوں ،اس کے ساتھ ہی اداکارہ نے مزید 10سال تک شادی نہ کرنے کا بھی اعلان کیا ہے ۔اداکارہ کا کہنا ہے کہ اداکاری زیادہ دلچسپ ہے جب کہ ماڈلنگ خوبصورت نظر آنے کا موقع فراہم کرتی ہے ۔انھوں نے کہا کہ فلموں میں پرفارمنس کاسلسلہ شروع کیا ہے تو پھر اداکاری کرتی رہوں گی ۔یش راج فلمز کے بینر تلے بننے والی فلم ''لیڈی ورسز وکی بھل''میں سپورٹنگ رول نبھانے والی 24سالہ اداکارہ نے کہا کہ نئی فلموں میں اہم کردار مل رہے ہیں۔

انھوں نے کہا کہ مصروفیت بڑھ گئی ہے اور اپنے کام کو بہتر انداز میں پیش کرنے کے لیے اچھی اور معیاری فلموں میں کام کرنا پسند کروں گی ۔شاد علی کی ڈائریکشن میں اب یہ اچھی فلم بنائی جارہی ہے جس کے لیے مجھے نہایت اہم کردار کی آفر ہوئی اور میں نے کام کرنے کے لیے حامی بھرلی ہے۔اس فلم میں اہم کردار میں کاسٹ ہونے پر خوش ہوں ۔ انھوں نے بتایا کہ فلم میں اپنے کام کو عمدہ طریقے سے کرکے فلم کی کامیابی میں اپنا کردار ادا کرنے کی کوشش کروں گی ۔ ماڈلنگ کے شعبہ میں بھی کام کرتی رہوں گی ۔ماڈلنگ کے تجربات سے یہ اندازہ ہوا کہ ماڈلنگ ہمیں مزید خوبصورت نظر آنے کا موقع فراہم کرتی ہے ۔اداکارہ کو آغاز پر بہترین معاون اداکارہ کا فلم فیئر ایوارڈ دیا گیا۔ اداکارہ کوہدایتکارہ فرح خان اپنی فلم میں مرکزی کردار میں کاسٹ کرنے کی بھی اطلاع ہے ۔ فرح خان کا کہنا ہے کہ پرینیتی چوپڑا مکمل اداکارہ ہیں اور ان کے کام میں مسلسل بہتری دیکھنے میں آئی ہے ۔ہر آنے والی فلم میں ان کی پرفارمنس عمدہ ہوتی ہے اور ہم بلاشبہ اس کے کام کے معترف ہیں ۔ اداکارہ کی آخری فلم ''عشق زادے '' مقبول ہوئی اور اب وہ منیش شرما کی نئی فلم میں بھی کاسٹ کی جاچکی ہیں ۔