ماہرہ خان کا اداکاری کے بعد ہدایت کاری کے میدان میں قدم رکھنےکا اعلان

امید ہے آئندہ برس فلم کی ہدایت کاری دوں گی، ماہرہ خان

ویب ڈیسک April 04, 2019

ماہرہ خان نے ٹوئٹر پر مداحوں کے سوالوں کے جوابات دئیے فوٹوفائل

ماہرہ خان نے لالی ووڈ اور بالی ووڈ میں اداکاری کے بعد اب ہدایت کاری میں بھی قدم رکھنے کا اعلان کردیا۔

گزشتہ روز ٹوئٹر پر ہیش ٹیگ آسک ماہرہ خان سیشن کے دوران ماہرہ کے چاہنے والوں نے ان سے دلچسپ سوالات کیے۔ ماہرہ خان نے ناصرف تمام پرستاروں کے جوابات دئیے بلکہ اپنے مستقبل کے منصوبوں سے بھی آگاہ کیا۔

اس خبرکوبھی پڑھیں: شہریار منور نے ماہرہ خان پر عالیہ بھٹ کو ترجیح دے دی

دیپ باسو نامی ٹوئٹر صارف نے سیشن کے دوران ماہرہ خان سے سوال کیا کہ ماہرہ آپ ہدایت کاری کے میدان میں کب قدم رکھ رہی ہیں؟ اور اپنی پہلی فلم کی ہدایات کب دیں گی؟ ماہرہ نے اس سوال کا مثبت جواب دیتے ہوئے کہا کہ وہ اگلے سال ہدایت کاری کے میدان میں قدم رکھیں گی۔ تاہم ماہرہ نے اس حوالے سے مزید کچھ نہیں بتایا کہ وہ کون سی فلم کی ہدایات دیں گی اور فلم میں کون سے فنکاروں کو کاسٹ کیا جائے گا۔