نبی کریم ﷺ کا فرمان ہے ناانصافیوں کی وجہ سے کئی قومیں تباہ ہوئیں وزیراعظم

نیب کی جانب سے حمزہ شہباز کی گرفتاری پر ناکامی کے تناظر میں وزیراعظم کا ٹوئٹ، فوٹو: فائل

---

وزیراعظم عمران خان نے کہا ہے کہ حضرت محمدﷺ کا فرمان ہے کہ نا انصافیوں کی وجہ سےکئی قومیں تباہ ہوئیں۔

نیب کی جانب سے حمزہ شہباز کی گرفتاری پر ناکامی کے تناظر میں وزیراعظم نے ٹوئٹر پر لکھا کہ ہمارے نبی صلی اللہ علیہ وسلم نے فرمایا تم سے پہلے کئی قومیں تباہ ہوئیں جہاں طاقتور کے لیے ایک قانون جبکہ کمزور کے لیے دوسرا قانون تھا۔

نبی مہربان صل اللہ علیہ وسلم کا فرمان ہے کہ:

"تم سے پہلے بہت سی قومیں تباہ ہو گئیں جہاں طاقتور کیلئے ایک اور کمزور کیلئے دوسرا قانون تھا"

— Imran Khan (@ImranKhanPTI) April 6, 2019

عمران خان کے ٹوئٹ پر ردعمل دیتے ہوئے اپوزیشن لیڈر شہباز شریف نے کہا کہ حکمرانوں کے غیر قانونی گھروں کو ریگولرائز کردیا گیا لیکن غریبوں کی جھونپڑیوں کو مسمار کردیا گیا۔

Can't agree more as the illegally built mansion of the ruler is regularized whereas dwellings of poor are being demolished. May Allah guide us to the right path! https://t.co/1YQ4C1TrCK

— Shehbaz Sharif (@CMShehbaz) April 6, 2019

یہ پڑھیں: حمزہ شہباز لوٹی ہوئی دولت واپس کریں یا جیل جائیں، فواد چوہدری

دریں اثنا وزیر اطلاعات فواد چوہدری نے کہا ہے کہ حمزہ شہباز کو گرفتار کرنا نیب کے لیے مشکل نہیں، ان کے پاس وارنٹ گرفتاری اور فورس موجود ہے اور وہ جب چاہیں گھر میں گھس گرفتار کرسکتے ہیں لیکن ایسا کرنے سے تماشا ہوگا، اس لیے وہ انتظار کررہے ہیں کہ حمزہ شہباز خود گرفتاری دیں اور (ن) لیگ کی غنڈہ گردی بھی برداشت کررہے ہیں۔