پاکستانی نوجوان بہادر اور پرعزم ہیں جنرل قمر جاوید باجوہ

آرمی چیف جنرل قمر جاوید باجوہ نے کہا ہے کہ پاکستانی نوجوان بہادر اور پرعزم ہیں جو ہر شعبے میں اہم کردار ادا کرسکتے ہیں۔

آئی ایس پی آر کے مطابق یہ بات انہوں ںے امریکی یونیورسٹی کارنل کے طلبا کے وفد سے ملاقات میں کہی۔ آرمی چیف نے کہا کہ پاکستانی نوجوان بہادر اور پرعزم ہیں، نوجوان آنے والی قیادت ہیں اور یہ ہر شعبے میں اہم کردار ادا کرسکتے ہیں۔

آئی ایس پی آر کے مطابق کارنل یونیورسٹی کے طلبا کو پاکستان کی خوبصورتی اور امن کے بارے میں بتایا گیا۔ جنرل قمر جاوید باجوہ نے کہا کہ قومی پیش رفت میں نوجوانوں کا کردار اہم ہے، آرمی چیف نے پاکستان کے متحرک نوجوانوں کو دہشت گردی کے خلاف جنگ میں کامیابیوں کا کریڈٹ دیا۔

دریں اثنا امریکی طلبا نے پاکستان کی خوبصورتی اور امن کی تعریف کی۔