پولیس کا ڈہرفارم پر چھاپہ چوکیدار سمیت 2 افراد گرفتار

مظاہرین نے گرفتار شدہ گان کی رہائی کا مطالبہ کرتے ہوئے بتایا کہ پولیس چھاپے کے دواران فارم میں توڑ پھوڑ کرنے کے بعد قیمتی سامان بھی لوٹ کر لے گئی جو سراسر ظلم ہے۔ فوٹو: فائل

---

ٹنڈو آدم سٹی پولیس نے جلال مری کے نزدیک ڈہر فارم پر چھاپہ مار کر طارق پنجابی اور کولھی ذات کے چوکیدار کوگرفتار کر کے لے گئی ۔

جس پر گائوں جلال مری، احمد برڑا اور سبزل مری کے رہائشیوں نے دائود مری، نزاکت بروہی، شوکت علی بروہی اور کرشن باگڑی کی قیادت میں احتجاجی مظاہرہ کر کے ٹنڈو آدم شہداد پور روڈ بلاک کر دی۔ مظاہرین نے گرفتار شدہ گان کی رہائی کا مطالبہ کرتے ہوئے بتایا کہ پولیس چھاپے کے دواران فارم میں توڑ پھوڑ کرنے کے بعد قیمتی سامان بھی لوٹ کر لے گئی جو سراسر ظلم ہے۔



انھوں نے حکام بالا سے اپیل کی کہ واقعے کانوٹس لیں اور گرفتاریوں کی تحقیقات کروائیں جو جرائم میں ملوث ہیں انکے خلاف کارروائی کر کے بے گناہ دیہاتیوں کو رہا کیا جائے۔