ہالی ووڈ ایکشن فلم شیزیم کا ریلیزہوتے ہی باکس آفس پرراج

فلم میں مرکزی کردار امریکی اداکار "زیکری لیوائے" نے ادا کیا۔ فوٹو: فائل

---

ہالی ووڈ ایکشن فلم "شیزیم" نے ریلیزہوتے ہی 158 ملین ڈالرزکا بزنس کرکے باکس آفس پراپنا راج قائم کرلیا۔

ڈی سی کامکس کی ایڈ ونچرفلم" شیزیم" نے ریلیزہوتے ہی 158 ملین ڈالرزکا بزنس دے کرباکس آفس پرنمبرون پوزیشن حاصل کرلی۔ کامیڈی فلم نے امریکی باکس آفس پر56 ملین ڈالرزسے زائد کمائے جبکہ عالمی باکس آفس پرریلیزکے پہلے تین دنوں میں 158 ملین ڈالرزسے زائد کا کامیاب ترین بزنس کیا۔


فلم کی کہانی" بلی بیٹسن" نامی 14 سالہ یتیم لڑکے کے گرد گھومتی ہے، جس کی اتفاقاً ایک بوڑھے سپرہیرو" شیزیم " سے ملاقات ہوتی ہے۔ بوڑھا سپرہیرو اپنی پاورنوجوان کے سپرد کردیتا ہے، جس سے صرف لفظ " شیزیم" چِلانے پر"بلی بیٹسن" ایک طاقت ور سپر ہیرو کا روپ دھارلیتا ہے۔ فلم میں مرکزی کردار امریکی اداکار "زیکری لیوائے" نے ادا کیا۔