’پنکی میم صاحب‘ نے یوکے ایشین فلم فیسٹیول کا ایوارڈ اپنے نام کرلیا

’پنکی میم صاحب‘ شازیہ علی خان کی پہلی فیچر فلم تھی جو گزشتہ سال دسمبر میں ریلیز کی گئی تھی

---

پاکستانی فلم 'پنکی میم صاحب' نے یوکے ایشین فلم فیسٹیول کا ایوارڈ اپنے نام کرلیا۔

برطانیہ میں 'یوکے ایشین فلم فیسٹیول' کا 21واں شو ہوا جس میں پاکستان، بھارت، بنگلادیش، نیپال سمیت دیگر ایشیائی ممالک کی شوبز شخصیات نے شرکت کی۔ فیسٹیول میں پاکستانی فلم سمیت ایشیا کے دیگر ممالک کی فلموں کو بھی ایوارڈز سے نوازا گیا جب کہ پاکستانی فلم 'پنکی میم صاحب' کو بہترین ایشین فلم 2019 کے ایوارڈ سے نوازا گیا، فلم کو یہ ایوارڈ آڈیئنس چوائس پر دیا گیا۔

Pinky Memsaab won best picture at UK Asian Film Festival and we're thrilled to see local content thriving on an international stage 😍🙌🏻
The film was also screened at the festival on April 6th. #PinkyMemsaab pic.twitter.com/rJ3bxx94i3

— Galaxy Lollywood (@galaxylollywood) April 8, 2019

'پنکی میم صاحب' پاکستانی خاتون فلمساز شازیہ علی خان کی پہلی فیچر فلم تھی جو گزشتہ سال دسمبر میں ریلیز کی گئی تھی جب کہ فلم کی کہانی دبئی میں مقیم خاتون کے گرد گھومتی ہے جو پاکستان کے چھوٹے گاؤں سے آئی ہوتی ہے جب کہ فلم کی لندن میں 'یوکے ایشین فلم فیسٹیول' کے دوران بھی خصوصی نمائش کی گئی تھی۔

#PinkyMemsaab wins Audience Choice 'Best Film' award, last night at UK Asian Film Festival #UKAFF2019 @HajraYamin pic.twitter.com/vlop8I75ky

— Pakistani Cinema (@PakistaniCinema) April 8, 2019

واضح رہے گزشتہ سال یوکے ایشین فلم فیسٹیول میں پاکستانی فلم 'کیک' کو ایوارڈ دیا گیا تھا۔