فلم ’’چنائی ایکسپریس‘‘ 200 کروڑ کلب میں داخل ہونے کیلیے تیار

’’چنائی ایکسپریس‘‘ نے ایک ہفتے کے دوران 197کروڑ کا بزنس کر ڈالا۔فوٹو: فائل

---

بالی ووڈ کی نئی فلم ''چنائی ایکسپریس'' 200 کروڑ کلب میں داخل ہونے کے لیے تیار ہوگئی۔

ذرائع ابلاغ کے مطابق فلم ''چنائی ایکسپریس'' نے ایک ہفتے کے دوران 197کروڑ کا بزنس کر ڈالا ہے اور فلم اب جلد ہی 200کروڑ کے کلب میں شامل ہو جائے گی۔ بالی ووڈ کی یہ فلم ریکارڈ ساز بزنس کرنے والی فلموں میں شامل ہو گئی ہے اس سے قبل سلمان خان کی فلم ''ایک تھا ٹائیگر'' نے 9دنوں میں 140کروڑ کا بزنس کیا تھا۔ فلم ''چنائی ایکسپریس'' کامیڈی اور ایکشن سے بھرپور فلم ہے۔ واضح رہے کہ رویت شیٹھی کی ہدایت کاری میں بننے والی تمام فلموں میں ''چنائی ایکسپریس'' نے بہترین بزنس کے ریکارڈ توڑ دیے ہیں۔