آرمی چیف جنرل قمرجاوید باجوہ سے تاجکستان کے وزیردفاع کی ملاقات

آرمی چیف جنرل قمرجاوید باجوہ سے تاجکستان کے وزیر دفاع کی ملاقات ہوئی جس میں سیکیورٹی صورتحال سمیت دوطرفہ دفاعی تعاون کے فروغ پر تبادلہ خیال کیا گیا۔

آئی ایس پی آرکے مطابق آرمی چیف جنرل قمر جاوید باجوہ سے تاجکستان کے وزیر دفاع سراج الدین ایسلوف کی ملاقات ہوئی۔ ملاقات میں علاقائی سیکیورٹی صورتحال، دوطرفہ دفاعی تعاون کے فروغ سمیت باہمی دلچسپی کے امورپرتبادلہ خیال کیا گیا۔


آرمی چیف نے کہا کہ تاجکستان پاکستان کا دوست ملک ہے باہمی تعاون سے خطے میں امن و استحکام کو تقویت ملے گی۔

تاجک وزیردفاع سراج الدین ایسلوف نے کہا کہ خطے میں امن واستحکام کے لئے پاکستان کاکردار قابل تحسین ہے۔