پنکچر کے 20 روپے پر مقتول کا ملزمان سے تنازع ہوا، اہل خانہ (فوٹو: ایکسپریس)
یہ افسوس ناک واقعہ لاہور کے علاقہ ساندہ میں واقعہ پیش آیا جہاں 20 روپے کے تنازع پر نوجوان کو فائرنگ کرکے قتل کردیا گیا۔ اہل خانہ کے مطابق 25 سالہ ذوالفقار بندر روڈ پر موٹر سائیکلوں کو پنکچر لگا کر اپنے اور بچوں کا پیٹ پالتا تھا تاہم چند روز قبل موٹر سائیکل کا پنکچر پچاس روپے کے بجائے ستر روپے کا لگانے پر مقتول کا نامعلوم ملزمان کے ساتھ جھگڑا ہوا تھا۔
اہل خانہ نے یہ بھی بتایا کہ جھگڑے کے بعد ملزمان کا غصہ کم نہ ہوا اور چار روز بعد انہوں نے دکان پر آکر صرف 20 روپے کے تنازع پر فائرنگ کرکہ ذوالفقار کو قتل کردیا اور فرار ہوگئے۔
پولیس کا کہنا ہے کہ واقعہ کا مقدمہ نامعلوم افراد کے خلاف درج کرلیا گیا ہے جلد ہی ملزمان قانون کی گرفت میں ہوں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔