وزیر اعلیٰ خیبر پختونخوا پرویز خٹک کے گھر کے قریب بم ناکارہ بنادیا گیا

بم بنانے میں بال بیئرنگز کا بھی استعمال کیا گیا تھا، بم ڈسپوزل اسکواڈ فوٹو : فائل

---

وزیر اعلیٰ خیبر پختونخوا پرویز خٹک کے گھر کے قریب سے بم ناکارہ بنادیا گیا۔

ایکسپریس نیوز کے مطابق 200 گرام وزنی دیسی ساختہ بم پشاور کے علاقے حیات آباد میں پرویز خٹک کے ذاتی گھر کے قریب سروس روڈ پر ہاٹ پاٹ میں رکھا گیا تھا تاہم سیکیورٹی اداروں سے اطلاع ملنے پر بروقت علاقے کو گھیرے میں لے لیا اور بم ڈسپوزل اسکواڈ نے بم کو ناکارہ بنادیا، بم ڈسپوزل اسکواڈ کے مطابق بم بنانے میں بال بیئرنگز کا بھی استعمال کیا گیا تھا جبکہ پولیس کا کہنا ہے کہ بم کا بنیادی مقصد علاقے میں خوف وہراس پھیلانا تھا۔