بی جے پی رہنما نے پاک فوج کے ملی نغمہ ’’پاکستان زندہ باد‘‘ کی کاپی کرلی

بی جے پی کے مقامی رہنما راجا سنگھ نے ملی نغمے کی دھن چرا کر گانا ریکارڈ کرایا فوٹو: سوشل میڈیا

---

بی جے پی کے رہنما راجا سنگھ نے پاک فوج کے جاری کردہ ملی نغمے ''پاکستان زندہ باد'' کی ہو بہو کاپی کرلی۔

پاک فوج کے شعبہ تعلقات عامہ (آئی ایس پی آر) کے مطابق بی جے پی کے رہنما راجا سنگھ نے انتخابات میں اپنے حامیوں کا لہو گرمانے کے لئے آئی ایس پی آر کے جاری کردہ نغمے کی دھن چوری کرلی ہے۔

https://twitter.com/TigerRajaSingh/status/1116612649972719617

ترجمان پاک فوج کا کہنا ہے کہ راجا سنگھ نے ملی نغمے کی دھن چرا کر گانا ریکارڈ کرایا، تاہم مجھے خوشی ہوئی ہے کہ آپ نے ملی نغمے کی دھن نقل کی، جس طرح دھن نقل کی ہے اسی طرح ہمارے سچ بولنے کی عادت کو بھی اپنائیں۔

Glad that you copied. But copy to speak the truth as well. #PakistanZindabad https://t.co/lVPgRbcynQ

— Asif Ghafoor (@peaceforchange) April 14, 2019

واضح رہے کہ یہ ملی نغمہ معروف موسیقار اور گلوکار ساحر علی بگا نے گایا ہے اور اسے رواں برس یوم پاکستان کے موقع پر ریلیز کیا گیا تھا۔