لیاری کے مختلف علاقوں میں رینجرز کا ٹارگٹڈ آپریشن 54 افراد زیرحراست

ايک ٹارچر سيل بھی بر آمد كر ليا ہے جبکہ گرفتار ملزمان كو تحقيقات كے لئے نامعلوم مقام پر منتقل كر ديا ہے۔ فوٹو راشد اجمیری

---

لياری كے مختلف علاقوں ميں رينجرز نے ٹارگٹڈ سرچ آپريشن كے دوران 54 افراد كو حراست ميں لے كربڑی تعداد میں اسلحہ اور منشيات برآمد كيا ہے، آپریشن کی دوران نور محمد عرف بابا لاڈلااپنے ساتھیوں کے ہمراہ رینجرز کے حصار کو توڑ کر بھاگنے میں کامیاب ہو گیا۔

رینجرز نے ماریپور، نیاآباد، آٹھ چوک، مواچھ گوٹھ اور سنگولیں میں آپریشن کر کے 54 مشتبہ افراد کو حراست میں لیا اور ان کے قبضے سے کلاشنکوف، 12 ایم ایم پستول، گرینیڈ ، پانچ کلو گرام دھماکہ خیز مواد اور تین ہزار شراب کی بوتلیں برامد کیں۔

آپريشن كے خلاف علاقہ مكينوں نےناردرن بئے پاس اور حب ریور روڈ پر احتجاج كيا اور ٹائر جلا كر سڑک بند كر دی۔