امریکا میں مافیا دہشتگردوں اور اسمگلروں کیلیے کوئی جگہ نہیں ڈونلڈ ٹرمپ

امریکی صدر ٹرمپ نے کہا ہے کہ امریکا میں مافیا، دہشتگردوں اور اسمگلروں کیلیے کوئی جگہ نہیں لہٰذا ان کیلیے قوانین سخت کرنے کی ضرورت ہے۔


غیر ملکی خبر رساں ادارے کے مطابق واشنگٹن میں میڈیا بریفنگ کے دوران امریکی صدر ٹرمپ نے غیر قانونی تارکین وطن کے حوالے سے گفتگو میں کہا ہے کہ امریکا میں مافیا، دہشتگردوں اور اسمگلروں کیلیے کوئی جگہ نہیں لہٰذا ان کیلیے قوانین سخت کرنے کی ضرورت ہے۔

ڈونلڈ ٹرمپ کا کہنا تھا کہ امریکا کو قوانین بدلنے اور سرحدوں پر فوج لگانے کی ضرورت ہے تاہم اس کیلیے ڈیموکریٹس کو امیگریشن قوانین کیلیے تعاون کرنا ہوگا۔ انہوں نے کہا کہ ریاست کیلیفورنیا بدانتظامی میں سب سے آگے ہے لہٰذا مرکزی قوانین نہ ماننے والی ریاستیں اب تارکین وطن کو خود سنبھالیں۔