بھارت سے اچھے ڈرامے بنارہے ہیں توفلم کیوں نہیں بناسکتے ثنا

ڈرامہ پروڈکشنز نے فلمی فنکاروں کو مصروف کردیا، جلدفلم انڈسٹری کو بہتر مقام پرلے آئینگے۔ فوٹو: فائل

---

KARACHI: اداکارہ ثنا نے کہا ہے کہ ڈرامہ پروڈکشنزنے فلمی فنکاروں کو مصروف ترین فنکاروں میں شامل کردیا ہے ،ہمارے ڈرامے اصلاحی ہونے کی وجہ سے عوام میں بیحد مقبولیت رکھتے ہیں ۔

خصوصی گفتگو کرتے ہوئے اداکارہ نے کہا کہ فلم انڈسٹری کی بحالی کے لیے جس سطح پر کوششیں کی جانی چاہئیں وہ نظر نہیں آرہیں۔لیکن میں مایوس نہیں میرے خیال میں نئی سوچ ہی تبدیلی لاسکتی ہے ۔



انھوں نے کہا کہ ہم بھارت سے کہیں بہتر اچھے اور معیاری ٹیلی وژن ڈرامے بنا رہے ہیں تو بھارت سے زیادہ اچھی فلم کیوں نہیں بنا سکتے ۔ انھوں نے کہا کہ مجھے قوی امید ہے کہ ایک بار پھر پاکستان کی فلم انڈسٹری کی ترقی کا آغاز ہوگا اور ہم جلد اپنی فلم انڈسٹری کو بہتر مقام تک لے آئیں گے ۔