فلم انڈسٹری کیلیے بنائی گئی کمیٹی غیرمتعلقہ افراد پرمشتمل ہے پرویز کلیم

پرویز کلیم نے فلم انڈسٹری کی بحالی کے لیے بنائی جانیوالی کمیٹی کو ماننے سے انکار کردیا ہے ۔

اس حوالے سے ان کا کہناہے کہ فلم انڈسٹری کی بحالی کے لیے تشکیل دی جانیوالی کمیٹی ایسے غیر متعلقہ افراد پرمشتمل ہے جو طویل عرصہ سے انڈسٹری کو چھوڑ چکے ہیں۔ ان لوگوں کو فلم انڈسٹری کے مسائل اور مشکلات کے بارے میں کچھ بھی علم نہیں ہے ۔ انھوں نے کہا اس کمیٹی میں شان سمیت ایسے لوگوں کو شامل کیاجائے جو فلم انڈسٹری کے مسائل کو جانتے ہیں۔




پرویز کلیم نے کہا کہ ہماری بدقسمتی ہے کہ فلم انڈسٹری کو بحران سے دوچار ہوئے تیرہ سال سے زائد کاعرصہ ہوچلا ہے اس دوران حکومت کی طرف سے کوئی مثبت ردعمل سامنے نہیں آیا ۔انھوں نے کہا کہ میرا مطالبہ ہے کہ اس کمیٹی میں فلم انڈسٹری سے وابستہ لوگوں کو شامل کیا جائے جو اس کی بحالی کے لیے کوشاں ہیں ۔