ورلڈکپ کیلیے 15 رکنی قومی ٹیم کا اعلان محمد عامر کو ڈراپ کردیا گیا

دورہ انگلینڈ میں کارکردگی کی بنیاد پر ورلڈکپ اسکواڈ میں تبدیلی کی جاسکتی ہے،انضمام الحق- فوٹو: پی سی بی

---

قومی ٹیم کے چیف سلیکٹر انضمام الحق نے ورلڈکپ 2019 اور دورہ انگلینڈ کے لیے قومی ٹیم کا اعلان کردیا۔

لاہور میں پریس کانفرنس کرتے ہوئے چیف سلیکٹر انضمام الحق نے ورلڈکپ 2019 کے لیے قومی ٹیم کا اعلان کرتے ہوئے کہا کہ ورلڈکپ میں سرفراز احمد قومی ٹیم کی کپتانی کریں گے جب کہ دیگر کھلاڑیوں میں شاداب خان، عماد وسیم، فخرزمان، امام الحق، عابد علی، بابراعظم، شعیب ملک، محمد حفیظ، حارث سہیل حسن علی، فہیم اشرف، شاہین شاہ آفریدی، جنید خان اور محمد حسنین ہیں تاہم محمد حفیظ کی ورلڈکپ اسکواڈ میں شمولیت فٹنس سے مشروط ہے۔

Pakistan name squad for ICC Men's Cricket World Cup 2019.#WeHaveWeWill
Read more 👇 https://t.co/rTs93eL2eT pic.twitter.com/Ka8fToZMhv

— Pakistan Cricket (@TheRealPCB) April 18, 2019

چیف سلیکٹر نے کہا کہ محمد عامر اور آصف علی کو دورہ انگلینڈ کے لیے ٹیم کا حصہ بنایا گیا اور ہمارے پاس 23 اپریل تک موقع ہے کہ ہم ورلڈکپ اسکواڈ میں تبدیلی کرسکتے ہیں اور ان دونوں کھلاڑیوں کو کارکردگی کی بنیاد پر ورلڈکپ اسکواڈ میں شامل کیا جاسکتا ہے۔