’’ایران کے پاس یورینیم افزودہ کرنیوالے 18 ہزار سینٹری فیوجز ہیں‘‘

یورینیم کو افزودہ کرنے کی صلاحیت رکھنے والے مزید ایک ہزار جدید سینٹری فیوجز بھی تیار ہیں۔ فوٹو: فائل

---

ایران کی ایٹمی توانائی کی تنظیم کے سبکدوش ہونے والے سربراہ فریدیون عباسی داوانی نے دعویٰ کیا ہے کہ ایران کے پاس یورینیم کوافزودہ کرنے والے 18 ہزارسینٹری فیوجزہیں۔

ایرانی خبررساں ادارے کے مطابق سبکدوش سربراہ نے کہا کہ ایران کے پاس 17 ہزار پرانے جنریشن کے سینٹری فیوجز ہیں جن میں سے 10 ہزار استعمال میں ہیں جبکہ 7 ہزاراستعمال کرنے کیلیے تیارہیں۔

ایک ہزار جدید نئے جنریشن کے ایٹمی سینٹری فیوجز آئی آر 2 ایم بھی استعمال کیلیے بالکل تیار ہیں جو پرانے جنریشن کے سینٹری فیوجز کے مقابلے میں تیزی سے یورینیم کو افزودہ کرنے کی صلاحیت رکھتے ہیں۔