بجلی کے نرخ میں 29پیسے فی یونٹ کمی کا امکان ہے، ٹیرف میں کمی ماہانہ فیول پرائس ایڈجسٹمنٹ کی مد میں کی جا ئے گی، نیپرا کی طرف سے کل ( منگل 20 اگست کو) فیصلہ کیا جائے گا۔

نیپرا کے ذرائع کے مطابق جولائی میں 9 ارب 61 کروڑ یونٹ بجلی پیدا کی گئی، پن بجلی کی پیداوار 3ارب 96 کروڑ یونٹ رہی جبکہ فرنس آئل سے 3 ارب 25 کروڑ یونٹ پیدا کیے گئے،27 کروڑ یونٹ بجلی لائن لاسز کی نذر ہوئے۔ جولائی میں پیدا ہونے والی بجلی کی مجموعی لاگت 65 ارب روپے رہی۔