وفاقی وزیراطلاعات ونشریات پرویز رشید نے کہا ہے کہ سزائے موت پر عملدرآمد عارضی طور پر روک دیا گیا ہے۔

صدرایک خط کے ذریعے اس معاملے پر وزیراعظم سے مشاورت کی خواہش ظاہر کی گئی ہے جس کے بعد سزائے موت پر عملدرآمد عارضی طور پر روکنے کا فیصلہ کیا گیا ہے۔ نجی ٹی وی سے گفتگو میں انھوں نے کہا کہ سزائے موت پر عملدرآمد کا حتمی اختیار صدر کے پاس ہوتا ہے، صدر کے بیرون ملک سے وطن واپسی کے بعد حتمی فیصلہ کیا جا سکے گا۔