وزیراعظم کی سری لنکا میں دہشتگردی کی مذمت

دکھ کی اس گھڑی میں پاکستان سری لنکا کے ساتھ ہے، وزیراعظم عمران خان

---

KARACHI: پاکستان کی جانب سے سری لنکا میں دھماکوں اور دہشت گردی کی مذمت کی گئی ہے۔

وزیراعظم عمران خان نے ایسٹر کے موقع پر سری لنکا میں ہونے والے دہشت گرد حملوں کی مذمت کرتے ہوئے کہا کہ سری لنکا کے عوام سے ہمدردی و تعزیت کا اظہار کیا جب کہ ان کا کہنا تھا کہ غم اور دکھ کی اس گھڑی میں پاکستان سری لنکا کے ساتھ ہے۔

ایسٹر کے موقع پر سری لنکا میں خوفناک دہشت گرد حملے اور اسکے نتیجے میں ہونے والے قیمتی جانوں کے ضیاع کی شدید ترین الفاظ میں مذمت اور سری لنکن بھائیوں سے دلی ہمدردی و تعزیت کا اظہار کرتا ہوں۔ غم اور دکھ کی اس گھڑی میں پاکستان سری لنکا کے ساتھ ہے۔

— Imran Khan (@ImranKhanPTI) April 21, 2019

اس سے قبل ترجمان دفترخارجہ نے بھی ایک بیان جاری کیا جس میں کہا گیا کہ پاکستان کے عوام اور حکومت سری لنکن عوام کے ساتھ کھڑے ہیں، ہم دہشت گردی کے خلاف سری لنکا کے ساتھ ہیں اور کولمبو میں ہونے والی دہشت گردی کی مذمت کرتے ہیں جب کہ یہ دھماکے چرچ اور ہوٹلوں میں ہوئے جن سے کافی جانی نقصان ہوا۔

واضح رہے سری لنکا کے دارالحکومت کولمبو میں متعدد دھماکوں میں 80 سے زائد افراد ہلاک اور سیکڑوں زخمی ہوئے ہیں۔