کیٹی ہومز نئی فلم میں لیوک کربی کی ہیروئن بنیں گی

پروفیشنل اداکارہ ہوں ،فلم اور ٹی وی کے لیے ہر طرح کا کردار نبھانے میں کامیاب رہی ہوں،نئی فلم کے لیے تیاری کرلی،34 سالہ امریکی اداکارہ ۔ فوٹو : فائل

---

SUKKUR: ہالی وڈ اداکارہ کیٹی ہومز2014کو ریلیز ہونے والی نئی ہالی وڈ فلم میں اداکارلیوک کربی کی ہیروئن بنیں گی۔

پروڈیوسر سپانیک لی کی اس فلم کی شوٹنگ کا آغاز کیا جاچکا ہے ۔فلم کو مقررہ وقت میں مکمل کرکے سینماگھروں کی زینت بنایا جائے گا ۔اداکارہ کیٹی ہومز کا کہنا ہے کہ اس فلم کی کہانی دلچسپ ہے ۔اس پر بہت اچھے طریقے سے ابتدائی کام کیا گیا اور پھر اسے سیٹ کی زینت بنایا گیا۔ انھوں نے کہا کہ فلم میں نہایت عمدہ پرفارمنس کی خاطر تیار کرلی ہے۔ انھوں نے کہا کہ چھوٹی اسکرین سے بڑی اسکرین تک کا سفر انتہائی مہارت سے کرتی چلی آرہی ہوں۔ انھوں نے کہا کہ ٹی وی سیریلز نے مقبولیت دی اور نئی فلموں میں پرفارم کرنے کی راہیں ہموار ہوتی چلی گئیں۔ اداکارہ کا کہنا ہے کہ پروفیشنل اداکارہ ہوں، فلم اور ٹی وی کے لیے ہر طرح کا کردار نبھانے میں کامیاب رہی ہوں۔ کرداروں کی ورائٹی کے سبب مختلف انداز بھی اخیتار کرنے کے مواقع میسر آئے ہیں اور اپنے کرداروں کو محنت اور لگن کے ساتھ کیا ۔

نئی فلموں کی پیشکش ہوتی رہتی ہے تاہم اب چوائس ہوتی ہے اور منتخب کردار ہی کرتی ہوں ۔مگر ایک چیز کا ہر بار خیال رکھتی ہوں وہ یہ کہ کوئی کردار اآگے پیچھے ایک جیسا نہ ہو کہیں ہارر فلم میں خوف کے ساتھ سسپنس والا کردار ملا تو کہیں رومانوی کردار نبھایا ،کہیں تھرلر ایکشن مووی کی تو کبھی گھریلو مسائل پر مبنی کہانی کے کردار کو انتہائی مہارت سے کیا۔ کسی بھی کردار پر دوسرے کردار کی چھاپ کا کوئی شک نہیں ہونا چاہیے اسی بات کو اہمیت دیتے ہوئے اپنے انداز کو نت نئی کہانیوں کے سانچے میں ڈھالنے کی کوشش کرتی رہی ہوں۔ ادھرلیوک کربی اور اداکارہ کیٹی ہومز فلم ''مینیاڈیز''میں اکٹھے جلوہ گر ہونگے۔ غیرملکی ذرائع ابلاغ کے مطابق اداکار لیوک کربی اور اداکار کیٹی ہومز فلم ''مینیاڈیز'' میں بطور جوڑی مرکزی کردار میں اکٹھے پردہ اسکرین پرجلوہ گر ہونگے ۔

فلم ''مینیا ڈیز'' میں کیٹی ہومز ایک غمگین شاعرہ کا کردار نبھا رہی ہیں جب کہ لیوک وہ شخص ہوتے ہیں جس کی محبت میں کیٹی گرفتار ہوجاتی ہیں۔ فلم کی عکسبندی جاری ہے۔ فلم کے پروڈیوسر سپانیک لی ہیں ۔ فلم سال 2014 میں سینما گھروں میں نمائش کے لیے پیش کی جائے گی۔قبل ازیں اداکارہ کیٹی ہومز نے بتایا کہ آنیوالی فلم میں بھی منفرد انداز اپنارہی ہوں جس کے لیے اپنے کردار کا مطالعہ کیا ہے اور اس کو کرنے کی بھرپور تیاری کرچکی ہوں ۔انھوں نے کہا کہ آنیوالی فلموں میں اپنے کردار کے حوالے سے کہانی اور کردار کو دیکھ کر ہی فیصلہ کروں گی ۔ڈائریکٹر کی ہدایات کو ہرآن مقدم رکھتی ہوں ۔واضح رہے کہ کیٹ نوئل ہوم المعروف کیٹی ہوم 18دسمبر 1978کو امریکی ریاست اوہائیو میں پیدا ہوئیں ۔ 34 سالہ امریکی اداکارہ نے1997کے دوران پہلی فلم''دی آئس اسٹارم ''سے فلمی کیرئیر کا آغاز کیا ۔تاہم اداکارہ کو شہرت کی بلندیوں پر پہنچانے والا کردار چھوٹی اسکرین پر نبھایا گیا ۔1998سے 2003کے دوران ٹی وی سیریل میں جوئے پوٹر کے کردار نے مقبولیت سے سرفراز کیا۔



1998کے دوران کیٹی ہوم کی دوسری فلم ''ڈسٹربنگ بیہیویئر''نے سلور اسکرین پر دھوم مچائی۔ اس فلم میں اداکارہ کی عمدہ پرفارمنس پر انھیں ''ایم ٹی وی مووی ایوارڈ ''اور ''سٹرن ایوارڈ''کے لیے نامزد کیا گیا۔ 1999میں فلم''گو'' اور ''ٹیچنگ''کی ،2000کے دوران فلم ''ونڈربوائے''اور ''دی گفٹ''میں کردار نبھایا ۔2002میں فلم'' ابنڈن''میں پرفارم کیا۔ 2003کے دوران تین فلمیں کیں ان میں ''فون بوتھ''،''دی سنگنگ ڈیٹکٹیو''اور ''پیسزآف اپریل ''شامل ہیں۔ 2004کے دوران فلم ''فرسٹ ڈاٹر''میں سمنتھا کا کردار نبھایا۔

2005کے دوران فلم ''بیٹ مین بگنز''رچل کا کردار اداکیا۔ اس فلم میں ان کی پرفارمنس پر انھیں سٹرن ایوارڈز اورگولڈن رسبیری ایوارڈ کے لیے نامزد کیا گیا۔ 2008کے دوران فلم ''میڈمنی ''کی۔ 2010کے دوران اداکارہ کیٹی ہوم نے دو فلمیں کیں جن میں ایک فلم کی پروڈیوسر بھی وہ خود تھیں ۔ان میں ''دی ایکسٹرامین'' اور ''دی رومانٹکس'' شامل ہیں۔ دوسری فلم نے اداکارہ کو کامیاب پروڈیوسر بھی ثابت کیا۔ 2011کے دوران کیٹی ہوم نے تین فلموں میں اداکاری کے جوہر دکھائے۔ ان میں ہارر فلم ''ڈونٹ بی آفریڈ آف دی ڈارک''،''دی سن آف نوون'' اور ''جیک انیڈ جل'' شامل ہیں۔