عالمی رہنماؤں کی سری لنکا دھماکوں کی شدید مذمت

روسی صدرپیوٹن نے دھماکوں کوظلم اور ترک صدرطیب اردوان نے دھماکوں کوانسانیت پرحملہ قرار دیا، فوٹو: فائل

---

پاکستان سمیت عالمی برادری نے ایسٹر پر سری لنکا میں گرجا گھروں اور ہوٹلوں پر دھماکوں کی سخت مذمت کرتے ہوئے قیمتی جانوں کے نقصان پر گہرے دکھ اور افسوس کا اظہار کیا ہے۔

امریکی صدر ٹرمپ نے کہا کہ امریکا سری لنکا کے ساتھ بھرپور ہمدردی رکھتا ہے اورسری لنکا کی معاونت کے لیے تیار ہے جب کہ مسیحیوں کے پیشوا پوپ فرانسِس نے دھماکوں کی مذمت کرتے ہوئے کہا کہ ایسٹر کا دن آج سوگ اور تکلیف لے کر آیا ہے۔

138 people have been killed in Sri Lanka, with more that 600 badly injured, in a terrorist attack on churches and hotels. The United States offers heartfelt condolences to the great people of Sri Lanka. We stand ready to help!

— Donald J. Trump (@realDonaldTrump) April 21, 2019

روسی صدر پیوٹن نے دھماکوں کو ظلم اور ترک صدر طیب اردوان نے دھماکوں کو انسانیت پر حملہ قرار دیا۔

I wish peace for all Christians, our Christian citizens in particular, and wholeheartedly greet them on the occasion of Easter. pic.twitter.com/ncve4qq8xv

— Recep Tayyip Erdoğan (@RTErdogan) April 21, 2019

یہ بھی پڑھیں: سری لنکا میں گرجا گھروں اور ہوٹل دھماکوں میں 207 افراد ہلاک، کرفیو نافذ

ادھر وزیراعظم عمران خان نے ایک ٹویٹ میں کہا کہ ان کی ہمدردی سری لنکن بھائیوں کے ساتھ ہے، پاکستان اس دکھ کی گھڑی میں مکمل اظہار یکجہتی کے ساتھ سری لنکا کے ساتھ کھڑا ہے۔

Strongly condemn the horrific terrorist attack in Sri Lanka on Easter Sunday resulting in precious lives lost & hundreds injured. My profound condolences go to our Sri Lankan brethren. Pakistan stands in complete solidarity with Sri Lanka in their hour of grief.

— Imran Khan (@ImranKhanPTI) April 21, 2019

وزیر خارجہ شاہ محمود قریشی نے سری لنکن وزیراعظم سے رابطہ کیا اور دہشت گرد واقعے کی مذمت کی، ساتھ ہی انہیں ہر قسم کے تعاون کی یقین دہانی بھی کرائی ۔

ترجمان دفتر خارجہ کے مطابق زخمیوں میں 3 خواتین ماہین، مزنہ ہمایوں، عاتکہ اور ایک بچہ عاطف شامل ہیں جنہیں طبی امداد کے بعد اسپتال سے ڈسچارج کر دیا گیا ہے۔

واضح رہے کہ اتوار کی صبح سری لنکا کے دارالحکومت میں گرجا گھروں اور ہوٹلوں پر یکے بعد دیگرے دھماکوں میں 200 سے زائد افراد ہلاک اور درجنوں زخمی ہوگئے تھے۔