پی آئی اے کے طیارے کو بم کی افواہ پر اتار لیا گیا

کراچی سے پشاور جانے والی پی آئی اے کی پرواز پی کی 350 میں بم کی اطلاع ملی فوٹو:فائل

---

پاکستان انٹرنیشنل ایئر لائنز (پی آئی اے) کے طیارے کو بم کی افواہ پر اتار لیا گیا۔

کراچی سے پشاور جانے والی پی آئی اے کی پرواز پی کی 350 میں بم کی اطلاع پر طیارے کو اتار لیا گیا اور تلاشی لی گئی۔ پی آئی اے کی طرف سے جاری بیان کے مطابق پشاور میں لینڈنگ سے دس پندرہ منٹ قبل بذریعہ ٹیلی فون بم کی موجودگی کی اطلاع ملی جس پر کپتان نے ضروری حفاظتی اقدامات کرتے ہوئے طیارے کو بحفاظت پشاور میں اتار لیا۔

(1/3) پی آئی اے 22 اپریل 2019
پی آئی اے کی پرواز پی کے 350 جو کراچی سے پشاور جا رہی تھی میں پشاور لینڈنگ سے 15-10 منٹ قبل بم کی موجودگی کی افواہ کراچی فلائٹ ڈسپیچ پر ٹیلی فون پر ملی۔
طیارے کو 45۔11 بجے بحفاظت پشاور اتار لیا گیا۔
کپتان نے تمام ضروری حفاظتی اقدامات کے (...)

— PIA (@Official_PIA) April 22, 2019

انتظامیہ نے فوری طور پر تمام مسافروں کو اتارا اور طیارے کو علیحدہ پارک کرکے بم ڈسپوزل اسکواڈ نے سرچنگ کی۔

ترجمان پی آئی اے کے مطابق سیکیورٹی اداروں اور بم ڈسپوزل اسکواڈ نے طیارے کو کلیئر قرار دیدیا جس کے نتیجے میں بم کی اطلاع جھوٹی ثابت ہوئی۔