پاک فوج میں اعلیٰ افسران کی تقرریاں اور تبادلے

لیفٹیننٹ جنرل فیض حمید کو ایڈجوٹینٹ جنرل اور لیفٹیننٹ جنرل عدنان کو بہاولپور کور کمانڈر تعینات کردیا گیا فوٹو:فائل

---

پاک فوج کے شعبہ تعلقات عامہ آئی ایس پی آر کے مطابق پاک فوج میں مختلف اعلیٰ افسران کی تقرریاں اور تبادلے کیے گئے ہیں۔

لیفٹیننٹ جنرل فیض حمید کو جی ایچ کیو میں ایڈجوٹینٹ جنرل تعینات کردیا گیا۔ لیفٹیننٹ جنرل اظہر عباس کو ڈی جی جوائنٹ اسٹاف مقرر کردیا گیا ہے اور لیفٹیننٹ جنرل نعمان محمود کو آئی جی کمیونکیشن اینڈ آئی ٹی بنادیا گیا ہے۔

4 Major Generals have been promoted to the rank of Lieutenant General. Those promoted include:-
1. Major General Sahir Shamshad Mirza
2. Major General Nauman Mahmood
3. Major General Azhar Abbas
4. Major General Faiz Hameed pic.twitter.com/uWAh1axr1r

— PTV News (@PTVNewsOfficial) April 12, 2019

یہ بھی پڑھیں: پاک فوج کے 4 میجر جنرلز کی لیفٹیننٹ جنرل کے عہدے پر ترقی

آئی ایس پی آر کے مطابق لیفٹیننٹ جنرل ساحر شمشاد مرزا وائس چیف آف جنرل اسٹاف کی ذمہ داریاں جاری رکھیں گے جبکہ لیفٹیننٹ جنرل عدنان کو بہاولپور کور کمانڈر تعینات کیا گیا ہے۔

واضح رہے کہ پاک فوج نے ان چاروں میجر جنرلز کو رواں ماہ ہی لیفٹیننٹ جنرل کے عہدے پر ترقی دی ہے۔