نیپرا کا بجلی کی قیمتوں میں 30 پیسے فی یونٹ کمی کا فیصلہ

نیشنل الیکٹرک پاور ریگولیٹری اتھارٹی (نیپرا) کی جانب سے بجلی قیمتوں میں 30 پیسے فی یونٹ کمی کا فیصلہ کیا گیا ہے۔


نیپرا حکام کے مطابق قیمتوں میں کمی کا فیصلہ جولائی کے لئے فیول ایڈجسٹمنٹ کی مد میں کیا گیا جبکہ پن بجلی کی پیداوار میں اضافے اور ریفرنس ٹیرف مکینزم میں تبدیلی بھی قیمتوں میں کمی کا باعث بنی۔ حکام کا کہنا ہے کہ قیمتوں میں کمی کا اطلاق بجلی کی تمام تقسیم کار کمپنیوں پر ہوگا اور صارفین کو آئندہ ماہ کے بلوں میں اس کا ریلیف ملے گا تاہم 50 یونٹ ماہانہ استعمال کرنے والوں پر قیمتوں میں کمی کا اطلاق نہیں ہوگا۔