عاطف اسلم ننھے گلوکاروں کی حوصلہ افزائی کے لئے میدان میں آگئے

معروف بین الاقوامی گلوکار عاطف اسلم اب گلوکار بچوں اور موسیقاروں کی حوصلہ افزائی کے لئے میدان میں آگئے۔

عاطف اسلم نے اپنی آواز سے کروڑوں لوگوں کو اپنا مداح بنا رکھا ہے، ان کے دیوانوں میں خواتین ، نوجوان اور بوڑھوں کے علاوہ بچے بھی شامل ہیں۔

[instagram-post url="https://www.instagram.com/p/BicheS8HdjA/"]


پاکستان میں کئی بچوں نے عاطف کا گایا ہوا گیت خوبصورت انداز میں گا کر سب کو حیران کردیا تھا جس کی تازہ مثال حال ہی سوشل میڈیا پر مقبول ہونے والے عرش مان نعیم ہیں جب کہ 8 سالہ ہادیہ ہاشمی بھی اُن گلوکاروں میں شامل ہیں جنہوں نے عاطف اسلم کے ہمراہ کنسرٹ میں بھی گانا گایا تھا یہی وجہ ہے کہ اب پاکستان کا نام روشن کرنے والے یہ ستارا گلوکاری سے محبت کرنے والے بچوں کی حوصلہ افزائی کے لئے میدان میں آگیا ہے۔

https://www.youtube.com/watch?v=rUl7b1LwA3g

عاطف اسلم نے ایک ویب سائیٹ کو انٹرویو دیتے ہوئے کہا کہ اب میری تمام تر توجہ گلوکار بچوں اور موسیقار کو آگے بڑھانے پر مرکوز ہے کیوں کہ جس موڑ پر وہ ابھی کھڑے ہیں وہ وقت میں خود بھی دیکھ چکا ہوں اس لئے اب میں انہیں اچھے سے اچھا دیکھنا چاہتا ہوں۔