ٹڈاپ کا ’ہیم ٹیکسٹائل رشیا‘ کیلیے سبسڈی فراہم کرنے کا اعلان

ہوم ٹیکسٹائل اور انٹیریئر فرنشنگ کی بین الاقوامی نمائش ماسکو میں 17 تا 19 ستمبر منعقد ہوگی۔ فوٹو: فائل

---

ٹریڈ ڈیولپمنٹ اتھا رٹی آف پاکستان نے 'ہیم ٹیکسٹائل رشیا' کے لیے سبسڈی فراہم کرنے کا اعلان کردیا۔

ہوم ٹیکسٹائل، فلور کورنگ اور انٹیریئر فرنشنگ کی بین الاقوامی نمائش ''ہیم ٹیکسٹائل رشیا'' ماسکو میں 17 سے 19 ستمبر 2019 منعقد ہوگی۔ روس کی ہوم ٹیکسٹائل کی مارکیٹ میں کام کرنے والے پیشہ ور افراد کے لیے یہ واحد بی ٹو بی نمائش ہے۔

ہیم ٹیکسٹائل رشیا کے بیسویں ایڈیشن میں ایک نئے زون کا افتتاح کارپٹ لیب کے نام سے کیا جائے گا جہاں ہینڈمیڈکارپٹ اور رگز، مشین میڈ کارپٹ اور رگز، ٹیکسٹائل فلور کورنگ بنانے والے افراد شرکت کر کے روس اور ایس آئی ایس ممالک میں نئے شراکت دار اور کاروبار تلاش کر سکتے ہیں۔ ٹریڈ ڈیولپمنٹ اتھارٹی آف پاکستان پاکستان پویلین کے ساتھ اس نمائش میں شرکت کررہی ہے۔

ٹریڈ ڈیولپمنٹ اتھارٹی آف پاکستان ہیم ٹیکسٹائل رشیا میں رعایتی قیمتوں پر اسٹال فراہم کر رہی ہے۔ ایک اسٹینڈ کی قیمت سبسڈی کے بعد ہوم ٹیکسٹائل کے لیے 470,000 روپے جبکہ کارپٹ کے لیے 392,000 ہوگی، درخواست جمع کروانے کی آخری تاریخ 10 مئی 2019 ہے۔