ملائیشیا میں وین کھائی میں گرنے سے 37 افراد ہلاک متعدد زخمی
ملائشیا کے وسطی ضلے جینٹنگ میں سیاحوں کی ایک وین گہری کھائی میں گرنے
مسافر وین جنیٹنگ ضلع میں دار الحکومت کوالا لمپور سے ایک گھنٹے کی مسافت پر 30 میٹر کھائی میں جا گری ، مقامی حکام۔ فوٹو: اے ایف پی
ملائشیا کے وسطی ضلع جینٹنگ میں سیاحوں کی وین کھائی میں گرنے سے 37 افراد ہلاک جبکہ متعدد زخمی ہو گئے۔
غیر ملکی خبر رساں ادارے کے مطابق مقامی حکام نے حادثے میں 37 افراد کی ہلاکت کی تصدیق کرتے ہوئے بتایا کہ وین میں 53 مسافر سوار تھے، وین جنیٹنگ ضلع میں دار الحکومت کوالا لمپور سے ایک گھنٹے کی مسافت پر 30 میٹر کھائی میں جا گری، ریسکیوٹیموں نے جائے حادثہ پر پہنچ کر لاشوں اورزخمیوں کو اسپتال منتقل کردیا، ڈاکٹرز کے مطابق زخمیوں میں سے بعض کی حالت تشویشناک ہے۔
پولیس حکام کے مطابق حادثے کے متعلق ابھی کچھ قبل ازوقت ہوگا تاہم تحقیقات کے بعد ہی اصل وجوہات کا تعین کیا جاسکتا ہے۔