پاکستان تحریک انصاف کے رہنما اور سابق ناظم مملکت خان نوشہرہ میں نامعلوم افراد کی فائرنگ کے نتیجے میں جاں بحق ہو گئے۔

ایکسپریس نیوز کے نمائندے جہانزیب خٹک کے مطابق مملکت خان عشا کے وقت اپنی گاڑی میں واپس گھر جا رہے تھے کہ راستے میں جہانگیرہ چوک پر موڑ کاٹتے ہوئے ان کی گاڑی پر موٹر سائیکل پر سوار نامعلوم افراد نے فائرنگ کر دی جس کے نتیجے میں وہ شدید زخمی ہو گئے اور انہیں سی ایم ایچ نوشہرہ اسپتال منتقل کیا جا رہا تھا لیکن وہ زخموں کی تاب نہ لاتے ہوئے راستے میں ہی دم توڑ گئے۔ واقعے کے بعد صوبائی وزرا اور تحریک انصاف کے دیگر رہنما بڑی تعداد میں اسپتال پہنچ گئے۔