سونے کی قیمت میں اضافہ

فی تولہ چاندی کی قیمت بغیر کسی تبدیلی کے 890 اور فی 10 گرام چاندی کی قیمت 763 روپے پر مستحکم رہی (فوٹو: فائل)

---

ISLAMABAD: بین الاقوامی بلین مارکیٹ میں فی اونس سونے کی قیمت5 ڈالر کے اضافے کے ساتھ 1286 ڈالر کی سطح پہنچنے کے باعث مقامی صرافہ مارکیٹوں میں بھی منگل کو فی تولہ اور فی 10 گرام سونے کی قیمتوں میں بالترتیب 100 روپے اور 85 روہے کا اضافہ ہوگیا۔

نتیجے میں کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور، اور کوئٹہ کی صرافہ مارکیٹوں میں فی تولہ سونے کی قیمت بڑھ کر 69 ہزار روپے اور فی 10 گرام سونے کی قیمت بڑھ کر 59 ہزار 156 روپے ہوگئی۔

اس کے برعکس فی تولہ چاندی کی قیمت بغیر کسی تبدیلی کے 890 اور فی 10 گرام چاندی کی قیمت 763 روپے پر مستحکم رہی۔