ایف بی آر کا چھاپہ 2 کروڑ مالیت کے غیرقانونی سگریٹ پکڑلیے

فیڈرل بورڈ آف ریونیو(ایف بی آر) نے ملک بھر میں جعلی و نان ڈیوٹی پیڈ سگریٹ بنانے و بیچنے والوں کے خلاف کریک ڈاؤن شروع کردیا ہے۔


ایف بی آر کی ہدایت پر ڈائریکٹریٹ جنرل انٹیلی جنس اینڈ انویسٹی گیشن ان لینڈ ریونیو نے چھاپہ مارکر 2 کروڑ روپے مالیت کے نان ڈیوٹی پیڈ لوکل برانڈ سگریٹ کے 880 کارٹن پکڑ لیے ہیں۔

مذکورہ افسر نے بتایا کہ ایف بی آر کو ڈائریکٹریٹ انٹیلی جننس اینڈ انویسٹی گیشن ان لینڈ ریونیولاہور کی طرف سے رپورٹ موصول ہوئی ہے جس میں بتایا گیا ہے کہ ڈائریکٹریٹ انٹیلی جنس اینڈ انویسٹی گیشن ان لینڈ ریونیو نے مصدقہ اطلاع ملنے کے بعد ابتدائی انکوائری میں جعلی و نان ڈیوٹی پیڈ سگریٹ کے ذخیرہ کے حامل ویئر ہاؤس پر چھاپہ مارا ہے اور اس چھاپے کے دوران ویئر ہاؤس سے 2کروڑ روپے کے لگ بھگ مالیت کے نان ڈیوٹی پیڈ مقامی برانڈ کے سگریٹ ضبط کیے گئے ہیں۔