نمائندہ خصوصی جرمنی کی افغان طالبان کے نائب سربراہ مُلا برادر سے ملاقات

ملاقات میں افغانستان میں عام شہریوں کی ہلاکتوں سے بچنے پر بھی بات ہوئی، ترجمان افغان طالبان فوٹو: فائل

---

افغانستان کے لیے جرمنی کے نمائندہ خصوصی مارکُس پوٹزل نے دوحہ میں طالبان کے نائب سربراہ اور شریک بانی مُلا برادر سے ملاقات کی۔

غیرملکی خبررساں ادارے کے مطابق قطر میں طالبان کے ترجمان سہیل شاہین کا کہنا ہے کہ افغانستان کے لیے جرمنی کے خصوصی نمائندے اور افغانستان میں جرمنی کے سابق سفیر مارکُس پوٹزل نے طالبان کے نائب رہنما مُلا غنی برادر سے ملاقات کی، ملاقات میں افغان تنازعے کے حل اور امریکا اور طالبان کے درمیان جاری مذاکرات پر بات ہوئی۔

1/2 Last night, I met Mullah Abdul Ghani Baradar, deputy to the leadership in political affairs & director of the political office and other members of the Taliban Political Commission in Qatar for an exchange of views on the peace process in AFG.

— Potzel Markus (@PotzelMarkus) May 2, 2019

ترجمان افغان طالبان کے مطابق ملاقات میں افغانستان میں عام شہریوں کی ہلاکتوں سے بچنے پر بھی بات ہوئی، اور نمائندہ خصوصی جرمنی نے افغانستان میں امن کی بحالی، تعاون اور جرمنی کے مثبت کردار ادا کرنے کی یقین دہانی کرائی، جب کہ فریقین نے اس بات پر اتفاق کیا کہ قیام امن سے ناصرف افغانستان بلکہ خطے اور پوری دنیا کو فائدہ ہو گا۔

2/2 We discussed ways of supporting a sustainable & inclusive peaceful solution of the conflict. We agreed that the present opportunity must not be lost & that progress is urgent in the interest of the #Afghan people, the region & the international community.

— Potzel Markus (@PotzelMarkus) May 2, 2019

واضح رہے کہ دونوں رہنماؤں کی ملاقات ایسے موقع پر ہوئی ہے جب امریکا اور طالبان کے درمیان مذاکرات کا چھٹا دور یکم مئی سے ہی شروع ہوا ہے۔ دوحہ میں ہی ہونے والے ان مذاکرات کا مقصد افغان تنازعے کا ایک سیاسی حل تلاش کرنے کی کوشش کرنا ہے تاکہ گزشتہ 17 برس سے جاری جنگ کا خاتمہ ہو سکے۔