سونے کی فی تولہ قیمت میں 700 روپے کی کمی

فی تولہ سونے کی قیمت کم ہوکر 68 ہزار 300 اور فی 10 گرام سونے کی قیمت گھٹ کر 58 ہزار 556 روپے ہوگئی۔ فوٹو: فائل

---

لاہور: مقامی صرافہ مارکیٹوں میں 700 روپے کمی کے بعد سونے کی فی تولہ قیمت 68 ہزار 300 روپے کی سطح پر پہنچ گئی۔

بین الاقوامی بلین مارکیٹ میں فی اونس سونے کی قیمت 14 ڈالر کی کمی سے 1272 ڈالر کی سطح پر پہنچنے کے بعد مقامی صرافہ مارکیٹوں میں جمعرات کوفی تولہ اور 10 گرام سونے کی قیمتوں میں بالترتیب 700 روپے اور 600 روپے کی کمی ہوگئی۔

قیمتوں میں کمی کے نتیجے میں کراچی، حیدر آباد، سکھر،ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت کم ہو کر 68 ہزار 300 روپے اور فی 10 گرام سونے کی قیمت گھٹ کر58 ہزار 556 روپے ہوگئی۔