نوازشریف پہ بھروسہ رکھیں اور افواہوں پر کان نہ دھریں مریم نواز

وقت ایک بار پھر نواز شریف کی بےگناہی اور استقامت کی گواہی دے گا، مریم نواز

ویب ڈیسک May 02, 2019

وقت ایک بار پھر نواز شریف کی بےگناہی اور استقامت کی گواہی دے گا، مریم نواز، فوٹو: فائل

مسلم لیگ(ن) کی رہنما مریم نواز نے کارکنوں کو تلقین کی ہے کہ اپنے قائد میاں نوازشریف پہ بھروسہ رکھیں اور افواہوں پر کان نہ دھریں۔

ٹوئٹر پر جاری بیان میں مریم نوازنے لکھا کہ نوازشریف کیلیے یہ مشکلات یہ پریشانیاں کوئی نئی نہیں ہیں، تاریخ گواہ ہے آپکا لیڈر اپنے ملک کے لیے جو قدم اٹھا لے پیچھے مُڑ کر نہیں دیکھتا بس اپنے قائد پہ بھروسہ رکھیں اور افواہوں پر کان نہ دھریں۔

مریم نواز نے ٹوئٹ کیا کہ وقت ایک بار پھر نواز شریف کی بےگناہی اور استقامت کی گواہی دے گا ،نواز شریف پر بہت آزمائشیں اور سختیاں آئیں مگر اللّہ نے انہیں پسپا نہیں ہونے دیا اور سرخرو کیا۔

اور نواز شریف ہی اس وقت پاکستان کے حقیقی لیڈر ہیں امید کی کرن ہیں نجات دہندہ ہیں اور انشاءاللہ دنیا دیکھے گی پاکستان نواز شریف کی قیادت ہی میں ترقی کی بلندیوں کو چھوئے گا۔ انشاءاللہ ! https://t.co/t3HeqXGVG3
— Maryam Nawaz Sharif (@MaryamNSharif) May 2, 2019