امیتابھ بچن سوشل میڈیا پر نریندرمودی کے ساتھ اپنی جعلی ویڈیو پر برہم

امیتابھ بچن نے اپنے بلاگ پر لکھا کہ یہ ویڈیو جعلی ہے اور اس ویڈیو میں شامل کی گئی میری آواز کو 2007 میں چلائی گئی ایک مہم سے لیا گیا ہے، انہوں نے کہا کہ 2007 میں "لیڈ انڈیا" کے نام سے ایک مہم چلائی گئی تھی جو بھارت کی تعمیر و ترقی کے حوالے سے چلائی گئی تھی اور جعلی ویڈیو میں شامل کی گئی میری آواز اسی مہم سے لی گئی ہے۔ بگ بی کا کہنا ہے کہ یہ غیر اخلاقی اور غیر قانونی حرکت ہے اور ویڈیو بنانے والے نے کاپی رائٹ قانون کی خلاف ورزی کی ہے، جس کے بارے میں انہوں نے متعلقہ حکام کو آگاہ کر دیا ہے تاکہ اس شخص کے خلاف کارروائی کی جائے۔