گوجرانوالہ میں زمین کے تنازع پر نوبیاہتا جوڑا قتل

عالم چوک میں زمین کے تنازع پر فائر نگ کرکے نوبیاہتا جوڑے کو قتل کردیا گیا۔


ایکسپریس نیوز کی مطابق گوجرانوالہ میں تھانہ اروپ کی حدود میں واقع علاقے عالم چوک میں میاں بیوی کو فائرنگ کرکے قتل کردیا گیا جب کہ ملزمان فرار ہونے میں کامیاب ہوگئے۔ جاں بحق جوڑے کی شناخت شفاقت اور صائمہ کے نام سے ہوئی ہے۔

پولیس کا کہنا ہے کہ شفاقت اور صائمہ کی دو ماہ قبل ہی شادی ہوئی تھی، شفاقت کا اپنے چچا نثار سے زمین کے معاملے پر جھگڑا چل رہا تھا، اسی حوالے سے مقتول نے تھانے میں ایک مقدمہ بھی درج کرارکھا تھا۔ شفاقت اور صائمہ کو نثار نے اپنے ساتھیوں کے ساتھ مل کر قتل کیا ہے، جائے وقوعہ سے شواہد جمع کر لیے گئے ہیں، ملزمان کو جلد گرفتار کر لیا جائے گا۔