کراچی میں منی بس کی ٹکر سے موٹر سائیکل سوار جاں بحق مشتعل افراد نے بس نذر آتش کردی

فائربریگیڈ کا عملے فوری طور پر موقع پر پہنچ گیا اور آدھے گھنٹے کی کوششوں کے بعد منی بس میں لگی آگ پر قابو پالیا فوٹو ایکسپریس نیوز

---

PARIS: شارع فیصل پر ایئر پورٹ کے قریب منی بس کی ٹکر سے موٹر سائیکل سوار جاں بحق ہوگیا جس کے بعد مشتعل افراد نے بس کو آگ لگا دی۔

کراچی کے علاقے شارع فیصل پر ائیرپورٹ برج کےقریب منی بس کی ٹکر سے ایک موٹرسائیکل سوار شدید زخمی ہوگیا، جسے وہاں موجود لوگوں نے اسپتال منتقل کیا جہاں وہ زخموں کی تاب نہ لاتے ہوئے دم توڑ گیا، حادثے کے بعد مشتعل افراد نے منی بس کو آگ لگادی، جس کی وجہ سے شارع فیصل پر ٹریفک جام ہوگیا۔

فائربریگیڈ کا عملے فوری طور پر موقع پر پہنچ گیا اور آدھے گھنٹے کی کوششوں کے بعد منی بس میں لگی آگ پر قابو پالیا جبکہ پولیس نے جلی منی بس کو لفٹرکے ذریعے سڑک سے ہٹادیا جس کے بعد شارع فیصل پر ٹریفک بحال ہوگئی ۔