وزیراعظم نوازشریف نے آئی بی میں بھرتیوں پر پابندی ختم کر دی

وزیر اعظم نے بہتر انسانی وسائل اور جدید آلات کے ذریعے آئی بی کی کارکردگی بڑھانے کی تجویز کی منظوری بھی دی۔ فوٹو: فائل

---

وزیر اعظم نواز شریف نے انٹیلی جنس بیورو (آئی بی )کومزیدموثر اور جدید بنانے کے لیے بھرتیوں پر پابندی ختم کر دی ہے۔

ایکسپریس نیوز کے مطابق وزیراعظم نوازشریف نےانٹیلی جنس بیورو کے ہیڈ کوارٹر کا دورہ کیا ، اس موقع پر وزیرخزانہ اسحاق ڈاراوروزیر اطلاعات ونشریات پرویزرشیدبھی ان کےساتھ تھے، دورے کے موقع پر آئی بی حکام نےوزیراعظم کودہشت گردی سمیت ملک کو درپیش اندرونی او بیرونی مسائل سے نمٹنےکے متعلق امور پر بریفنگ دی، وزیر اعظم نے اس موقع پر ادارے میں وزیراعظم نے بہتر انسانی وسائل اور جدید آلات کے ذریعےآئی بی کی کارکردگی بڑھانے سمیت کئی سفارشات کی منظوری بھی دی۔