مظفر آباد دریائے نیلم میں جیپ گرنے سے 4 افراد جاں بحق 7 زخمی

مقامی رضاکاروں نے زخمیوں کو فوری طور پر نجی اسپتال منتقل کردیا جہاں انہیں طبی امداد فراہم کی جارہی ہے. فوٹو: فائل

---

کیل سے شونٹھر جانے والی جیپ دریائے نیلم میں گرنے سے 4 افراد جاں بحق اور7 زخمی ہوگئے۔

ایکسپریس نیوز کے مطابق وادی نیلم کے مقام کیل سے جیپ شونٹھر جارہی تھی کہ موڑ کاٹتے ہوئے دریائے نیلم میں کرگئی جس کے نتیجے میں 4 افراد جاں بحق اور 7 زخمی ہوگئے، جیپ میں 11 سے 12 مقامی لوگ سوار تھے، مقامی رضاکاروں نے زخمیوں کو فوری طور پر نجی اسپتال منتقل کردیا جہاں انہیں طبی امداد فراہم کی جارہی ہے، اسپتال ذرائع کے مطابق 2 سے 3 زخمیوں کی حالت تشویشناک ہے۔