حکمران رحم کریں اور محلوں سے نکل کر دیکھیں عوام کیسے سسک رہے ہیں مریم نواز

نواز شریف کا داتا دربار کے باہر ہونے والے دھماکے کے شہدا کے لیے دل بہت دکھی ہے، مریم نواز۔ فوٹو: فائل

---

رہنما مسلم لیگ (ن) مریم نواز کا کہنا ہے کہ حکمران غریب پر رحم کریں اور اپنے محلوں سے نکل کر عوام میں جاکر دیکھیں وہ کیسے سسک رہے ہیں۔

کوٹ لکھپت جیل میں سابق وزیراعظم نواز شریف سے ملاقات کے بعد سماجی رابطے کی سائٹ ٹوئٹر پر رہنما مسلم لیگ (ن) مریم نواز کا کہنا تھا کہ ابھی کوٹ لکھپت جیل میں میاں صاحب سے ملاقات کی، نواز شریف نے کارکنوں کو محبت بھرا سلام بھیجا ہے اور مہنگائی اور عوام کی بڑھتی ہوئی مشکلات پر تشویش کا اظہار کیا ہے۔

ابھی کوٹ لکھپت جیل میں میاں صاحب سے ملاقات کی۔ کارکنوں کو محبت بھرا سلام بھیجا اور مہنگائی اور عوام کی بڑھتی ہوئی مشکلات پر تشویش کا اظہار کیا۔ کہا داتا صاحب کے باہر دھماکے میں شہید ہونے والوں کے لیے دل بہت دُکھی ہے۔ اللّہ پاکستان پر رحم فرمائے۔ آمین۔

— Maryam Nawaz Sharif (@MaryamNSharif) May 9, 2019

مریم نواز نے کہا کہ نواز شریف نے کہا کہ داتا دربار کے باہر ہونے والے دھماکے کے شہدا کے لیے دل بہت دکھی ہے، اللہ پاکستان پر رحم فرمائے۔

عوامی حکومتیں عوام کے خواہشات پر چلتی ہیں ۔
دھاندلی اور چور دروازے سے آنے والے نالائقوں کی حکومتیں دوسروں کی شرائط پر چلتی ہیں ۔
9 مہینے سے پاکستان کے حوالے سے ایک بھی اچھی خبر نہیں آئی ۔ غریب پر رحم کرو اور اپنے محلوں سے نکل کر عوام میں جا کر دیکھو وہ کیسے سسک رہے ہیں۔ pic.twitter.com/CmEVk6gHZU

— Maryam Nawaz Sharif (@MaryamNSharif) May 9, 2019

مریم نواز نے کہا کہ عوامی حکومتیں عوام کی خواہشات پر چلتی ہیں، دھاندلی اور چور دروازے سے آنے والے نالائقوں کی حکومتیں دوسروں کی شرائط پر چلتی ہیں، 9 مہینے سے پاکستان کے حوالے سے ایک بھی اچھی خبر نہیں آئی، غریب پر رحم کرو اور اپنے محلوں سے نکل کر عوام میں جا کر دیکھو وہ کیسے سسک رہے ہیں۔