مودی ایک بار پھر بالاکوٹ حملے سے متعلق بیان پر مذاق کا نشانہ بن گئے

سوشل میڈیا پر مودی کو ’مرزا کلاؤڈی‘ کا لقب دیا گیا اور ’انٹائر کلاؤڈ کور‘ ہیش ٹیگ بن گیا۔ فوٹو : فائل

---

بھارتی وزیراعظم نریندرا مودی کو بالا کوٹ حملے سے متعلق مضحکہ خیز بیان پر سوشل میڈیا صارفین نے 'مرزا کلاؤڈی' کا لقب دیتے ہوئے آڑے ہاتھوں لیا۔

برطانوی نشریاتی ادارے بی بی سی کے مطابق بھارتی وزیراعظم نے 'نیوز نیشن' نامی چینل کو انٹرویو میں انکشاف کیا کہ بالا کوٹ حملے سے قبل مشاورت کے دوران انہوں نے موسم کی خرابی، بارش اور آسمان پر چھائی بادلوں کی چادر کو دیکھ کر کہا کہ بادلوں کے باعث پاکستانی ریڈرا بھارتی طیاروں کو دیکھ نہیں پائیں گے اس لیے ہمیں موسم کی خرابی کا فائدہ اُٹھاتے ہوئے حملہ کردینا چاہیے۔

Modi's words are truly shameful. Most importantly, because they insult our Air Force as being ignorant and unprofessional. The fact that he is talking about all this is itself anti-national; no patriot would do this. pic.twitter.com/jxfGmdmlx7

— Sitaram Yechury (@SitaramYechury) May 11, 2019

حکمراں جماعت بھارتیہ جنتا پارٹی کے ٹویٹر اور فیس بک کے آفیشل اکاؤنٹس سے اس انٹرویو کے اقتباسات شیئر کیے گئے تو سوشل میڈیا میں بھارتی وزیراعظم ایک مذاق بن کر رہ گئے اور دیکھتے ہی دیکھتے 'انٹائر کلاؤڈ کور' ٹاپ ٹرینڈ بن گیا اور ماہرین ہوا بازی نے مودی کو آڑے ہاتھوں لیا جب کہ حماقت سے بھرپور بیان پر مودی کی memes بھی بنائی گئیں۔ غالب کے ایک شعر کی پیروڈی بھی کی گئی۔

Sir Sir @PMOIndia aapto ghazab ke Expert hain ,sir request hai CHOWKIDAR remove kardijiye aur Air Chief Marshal & Pradhan ......Kya tonic peeta hain aapke Batwa mein har department Ka FORMULA hai except Jobs,Economy,Industrial Growth,Agrarian problems (keep it up Mitro) https://t.co/wl561Jp1nI

— Asaduddin Owaisi (@asadowaisi) May 11, 2019

اپوزیشن جماعتوں کے اراکین نے بھی وزیراعظم مودی کے بیان کو شدید تنقید کا نشانہ بناتے ہوئے کہا کہ مودی کو اپنی ماہرانہ رائے اپنی پاس رکھنی چاہیے اور بھارتی فضائیہ کے ماہر اور باصلاحیت لوگوں کو ان کا کام کرنے دیں۔

اسد اویسی نے لکھا کے سر آپ تو غضب کے ایکسپرٹ ہیں برائے مہربانی اپنے نام کے ساتھ چوکیدار کا لفظ ہٹا کر ایئرمارشل مودی لکھ دیں۔

Pakistani radar doesn’t penetrate clouds. This is an important piece of tactical information that will be critical when planning future air strikes. https://t.co/OBHwEJfGSW

— Omar Abdullah (@OmarAbdullah) May 11, 2019

سوشل میڈیا پر وزیراعظم مودی کا مذاق بننے کے بعد بی جے پی کے کرتا دھرتاؤں کو حقیقت کا علم ہوا کہ جس بات کو وہ فخریہ پیش کر رہے تھے وہ ایک سطحی اور علم سے عاری بات ہے، اس ادراک کے بعد مودی کے انٹرویو کو سوشل میڈیا سے ہٹا دیا گیا۔



بی بی سی کو موصول ہونے والے ایک واٹس ایپ پیغام میں مراز غالب کے ایک مشہور شعر کی مودی کے بیان کے ساتھ پیروڈی کی گئی اور مودی جی کو غالب کے حلیے میں دکھایا گیا ہے۔

جملہ ہی پھینکتا رہا پانچ سال کی سرکار میں

سوچا تھا کلاؤڈی ہے موسم، نہیں آؤں گا راڈار میں