فاٹا کے ساتھ پوری قوم کھڑی ہے وزیراعظم
کسی کواحساس محرومی نہیں ہوناچاہیے کہ پاکستان ان کو حق نہیں دے رہا، وزیراعظم
جب کوئی علاقہ پیچھے رہ جائے تو ہم سب کو مل کر اٹھنا چاہئے، وزیراعظم: فوٹو: فائل
وزیراعظم عمران خان کا کہنا ہے کہ فاٹا کے ساتھ پوری قوم کھڑی ہے۔
وزیراعظم عمران خان نے قومی اسمبلی میں خطاب کے دوران کہا کہ مشرقی پاکستان کی علیحدگی بہت بڑا حادثہ تھا، مشرقی پاکستان کے لوگوں کو نمائندگی نہیں دی گئی، ہمیں ماضی کی غلطیوں سےسبق سیکھنا چاہیے، کسی کو یہ احساس نہیں ہونا چاہیے کہ پاکستان ان کوحق نہیں دے رہا اورجب کوئی علاقہ پیچھے رہ جائے تو ہم سب کو مل کر اٹھنا چاہیے۔ پسماندہ علاقوں کو ترقی کے مرکزی دھارے میں لایا جائے، پاکستان کے دشمن احساس محرومی کو منفی مقاصد کیلئے استعمال کرسکتے ہیں۔
وزیراعظم نے کہا کہ فاٹا کےعوام نے بہت مشکلات کا سامنا کیا ہے، فاٹا کی آوازاب ہر جگہ سنی جائے گی، فاٹا کو مرکزی دھارے میں لانے کے لئے وہاں سے قومی اور صوبائی اسمبلی کی نشستیں بھی بڑھائی جارہی ہیں، فاٹا کے ساتھ پوری قوم کھڑی ہے، تمام جماعتیں فاٹا کو قومی دھارے میں لانے کے لیے متفق ہیں، فاٹا میں جتنا نقصان ہوا اسے صرف خیبرپختونخوا پورا نہیں کرسکتا۔ فاٹا کی تباہ کاریوں سے نمٹنے کے لئے تمام صوبوں کو مالی طورپرمدد کرنا ہوگی، ہرصوبہ فاٹا کو 10 سال کے لئے این ایف سی ایوارڈ سے 3 فیصد دے گا۔
وزیراعظم عمران خان نے قومی اسمبلی میں خطاب کے دوران کہا کہ مشرقی پاکستان کی علیحدگی بہت بڑا حادثہ تھا، مشرقی پاکستان کے لوگوں کو نمائندگی نہیں دی گئی، ہمیں ماضی کی غلطیوں سےسبق سیکھنا چاہیے، کسی کو یہ احساس نہیں ہونا چاہیے کہ پاکستان ان کوحق نہیں دے رہا اورجب کوئی علاقہ پیچھے رہ جائے تو ہم سب کو مل کر اٹھنا چاہیے۔ پسماندہ علاقوں کو ترقی کے مرکزی دھارے میں لایا جائے، پاکستان کے دشمن احساس محرومی کو منفی مقاصد کیلئے استعمال کرسکتے ہیں۔
وزیراعظم نے کہا کہ فاٹا کےعوام نے بہت مشکلات کا سامنا کیا ہے، فاٹا کی آوازاب ہر جگہ سنی جائے گی، فاٹا کو مرکزی دھارے میں لانے کے لئے وہاں سے قومی اور صوبائی اسمبلی کی نشستیں بھی بڑھائی جارہی ہیں، فاٹا کے ساتھ پوری قوم کھڑی ہے، تمام جماعتیں فاٹا کو قومی دھارے میں لانے کے لیے متفق ہیں، فاٹا میں جتنا نقصان ہوا اسے صرف خیبرپختونخوا پورا نہیں کرسکتا۔ فاٹا کی تباہ کاریوں سے نمٹنے کے لئے تمام صوبوں کو مالی طورپرمدد کرنا ہوگی، ہرصوبہ فاٹا کو 10 سال کے لئے این ایف سی ایوارڈ سے 3 فیصد دے گا۔