شادی کے بعد زندگی اچھی گزر رہی ہے وسیم اکرم

سابق ٹیسٹ کرکٹر وسیم اکرم نے کہا ہے کہ وہ شادی کے بعد بہت خوش ہیں اور زندگی اچھی گزر رہی ہے۔

پی اے ایف میوزیم کراچی میں میڈیا سے بات کرتے ہوئے وسیم اکرم نے کہا کہ شنیرا سے شادی پر ان کے گھر والے بھی خوش ہیں اور دونوں کی زندگی بہت اچھی گزر رہی ہے۔ زمبابوے کےخلاف ٹی 20 سیریز میں کامیابی اچھے کھیل کا نتیجہ ہے، انہوں نے کہا کہ انورعلی اچھا کھلاڑی ہے، اس میں عبدالرزاق جیسا آل راؤنڈر بننے کی صلاحیت موجود ہے۔ انہوں نے کہا کہ آسٹریلیا نے 20 سال پاکستان سمیت تمام ٹیموں کی پٹائی کی ور اب ایشز سیریز میں ان کی پٹائی پر خوشی ہے۔