حکمرانوں کا یوم حساب قریب ہے مریم نواز

نالائق حکومت نے ملک کو آئی ایم ایف کے ہاتھوں رہن رکھ دیا، نائب صدر ن لیگ فوٹو: فائل

---

مسلم لیگ ن کی نائب صدر مریم نواز نے حکمرانوں کا یوم حساب قریب ہے اور نالائق حکومت نے ملک کو آئی ایم ایف کے ہاتھوں رہن رکھ دیا۔

پاکستان مسلم لیگ ن کی نائب صدر مریم نواز نے پاکستان مسلم لیگ (ن) خیبر پختونخوا کے صدر امیر مقام کے بیٹے کی گرفتاری کو سیاسی مخالفین کے ایما پر سیاسی انتقام کی بدترین مثال قرار دے دیا۔

ایک وقت وہ تھا جب ترقی و خوشحالی کی راہیں کھل رہیں تھیں کشکول ٹوٹ چکے تھے نوازشریف نے پوری قوم کو خوشخبری سنائی کہ ہم آئی ایم ایف کو خداحافظ کہہ رہے ہیں پاکستان اپنے پاوُں پہ کھڑا ہوچکا تھا اور ایک یہ جعلی، نالائق حکومت ہے جس نے ملک کو IMF کے ہاتھوں رہن رکھ دیا ہے۔ pic.twitter.com/5zrFn6wRLs

— Maryam Nawaz Sharif (@MaryamNSharif) May 14, 2019

اپنے ٹوئٹر پیغام میں مریم نواز نے کہا کہ پشاور میٹرو میں اربوں کی کرپشن نظر نہیں آتی؟، فکر نہ کرو، تمہارا یوم حساب بھی قریب ہے۔ ہمارے خلاف تو کچھ نہیں نکلا، تمہارے خلاف تو شکایات کے انبار لگے پڑے ہیں۔

یہ بھی پڑھیں: کرپشن پر (ن) لیگی رہنما امیر مقام کا بیٹا گرفتار

مریم نواز کا کہنا تھا کہ ایک وقت وہ تھا جب ترقی و خوشحالی کی راہیں کھل رہیں تھیں کشکول ٹوٹ چکے تھے، نوازشریف نے پوری قوم کو خوشخبری سنائی کہ ہم آئی ایم ایف کو خداحافظ کہہ رہے ہیں، پاکستان اپنے پاؤں پہ کھڑا ہوچکا تھا اور ایک یہ جعلی، نالائق حکومت ہے جس نے ملک کو آئی ایم ایف کے ہاتھوں رہن رکھ دیا ہے۔