آئی سی سی ورلڈکپ میں ایک کروڑ ڈالر کی انعامی رقم تقسیم ہوگی

ٹائٹل جیتنے والی ٹیم کو 40 لاکھ اور رنراپ کو 20 لاکھ ڈالر کی رقم ملے گی۔

---

انٹرنیشنل کرکٹ کونسل نے ورلڈکپ 2019 کے لیے ایک کروڑ ڈالر کی انعامی رقم رکھی ہے۔

انگلینڈ میں ہونے والے آئی سی سی ورلڈکپ میں مجموعی طور پر ایک کروڑ ڈالر کی انعامی رقم تقسیم کی جائے گی، ٹائٹل جیتنے والی ٹیم کو 40 لاکھ ڈالر، رنر اپ کے ہاتھ 20 لاکھ ڈالر کی رقم لگے گی۔

سیمی فائنل میں مات کھانے والی ہر ٹیم کو 8،8 لاکھ ڈالرز حاصل ہوں گے جب کہ لیگ مرحلے میں جیتنے والی ٹیموں کو 40،40 ہزار ڈالر دیے جائیں گے۔

واضح رہے 2015 کے آئی سی سی ورلڈکپ میں بھی مجموعی انعامی رقم ایک کروڑ ڈالر رکھی گئی تھی۔