میکسیکو میں ٹرین کی بوگیاں پٹڑی سے الٹ گئیں 5 افراد ہلاک 36 زخمی

ٹرین میں غیر قانونی تارکین وطن سوار تھے جو کہ امریکی سرحد پار کرنا چاہتے تھے، پولیس۔ فوٹو اے ایف پی

---

میکسیکو میں تیز رفتار ٹرین کی بوگیاں پٹڑی سے الٹ گئیں جس کے نتیجے میں 5 افراد ہلاک اور 36 زخمی ہوگئے۔

میکسیکو کے جنوبی ریاست ٹابیسکو میں مال برادر ٹرین پٹری سے اتر کر الٹ گئی جس کے نتیجے میں 5 افراد ہلاک جبکہ 36 سے زائد زخمی ہوگئے، ریسکیو ٹیموں نے ہیلی کاپٹر کے ذریعے لاشوں اور زخمیوں کو قریبی اسپتال منتقل کردیا جہاں زخمیوں کو طبی امداد فراہم کی جارہی ہے، اسپتال ذرائع کے مطابق زخمیوں میں سے بعض کی حالت تنشویشناک ہے جس کی وجہ سے ہلاکتوں میں اضافے کا خدشہ ہے۔

حکام کے مطابق حادثہ تیز رفتاری کے باعث پیش آیا، پولیس کے مطابق ٹرین میں غیر قانونی تارکین وطن سوار تھے جو کہ امریکی سرحد پار کرنا چاہتے تھے۔