امریکا میں قید عافیہ صدیقی کی پاکستان واپسی کیلئے وفاقی کابینہ کا اجلاس بدھ کو طلب

ڈاکٹر عافیہ صدیقی کی امریکی قید سے رہائی کے لئے وزیر اعظم نے وفاقی کابینہ کا اجلاس بدھ کو طلب کرلیا ہے۔


ایکسپریس نیوز کے مطابق اجلاس میں وفاقی کابینہ امریکا سے سزا یافتہ افراد کے تبادلے کے معاہدے پر دستخط کی منظوری دے گی جس کے بعد کے بعد پاکستان کونسل آف یورپ کنونشن کے تحت امریکا سے ڈاکٹر عافیہ صدیقی کی رہائی کیلئے باضابطہ طور پر درخواست کرے گا۔

واضح رہے کہ اس وقت قیدیوں کے تبادلے کے حوالے سے پاکستان کا معاہدہ مختلف ممالک کے ساتھ موجود ہے تاہم ان میں امریکا شامل نہیں ہے جس کی وجہ سے امریکا ڈاکٹر عافیہ صدیقی کو پاکستان کے حوالے نہیں کررہا ہے۔